ترند
زوجة المطرب حسن شاكوش: هو وابن شقيقته بيعملوا «أكونت فيك» هدفه الإساءة لسمعتي
قالت ريم طارق، زوجة مطرب المهرجانات حسن شاكوش، تعليقا على صور زفافها من زوجها السابق: «حسن وابن أخته مطلعين إني كنت ماشية غلط.. وبيعملوا أكونت فيك يُسئ لسمعتي وهي متجوزة، ده مش عيب ولا حرام».
وأضافت: «عيب أوي يا حسن تشهر بمراتك عشان التريند.. دي لسه لحد دلوقتي مش راضية تتكلم عنك»، وأعادت «ريم» نشر ستوري عبر حسابها بموقع تبادل الصور والفيديوهات انستجرام وجاءت فيها: «ريم كانت متجوزة من سنتين وانفصلت بعد سنة واتجوزت حسن بعدها بسنة وشهور ودا مش عيب».
وسابقا، فجّر «أحمد»، طليق ريم طارق، زوجة مغني المهرجانات حسن شاكوش، مفاجأة جديدة بعد أزمة طرد «شاكوش» لزوجته وتطور الأمر لبلاغات ومحاضر شرطة، وقال في تصريحات إعلامية: «الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق».
وتابع: «أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج، سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها. لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا».
وكشف عن سبب الطلاق الذي وقع بينهما، وقال: «كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار».
وختم: «مرفوع عليا قضايا منقولات وإيصالات أمانة، وكل اللي عايزة منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة».
